Konrad Zuse (22 de xunu de 1910, Wilmersdorf (en) – 18 d'avientu de 1995, Hünfeld) foi un inxenieru alemán y un pioneru de la computación. El so llogru más destacáu foi terminar el primer ordenador controláu por programes que funcionaben, la Z3 en 1941. Esta pue que fuera la "primer ordenador", anque hai discrepancies nesti sentíu pos, si considérense delles sotileces, como por casu que la máquina de Zuse nun yera de propósitu xeneral, seique nun lo sía. Tamién diseñó un llinguaxe de programación d'altu nivel, el Plankalkül, supuestamente en 1945, anque foi una contribución teórica, pos el llinguaxe nun s'implementó na so vida y nun tuvo nenguna influencia direuta nos primeros llinguaxes desenvueltos. Tamién fundó la primer compañía d'ordenadores en 1946 y construyó la Z4, que se convirtió en 1950 nel primer ordenador en ser comercializada. Por cuenta de la Segunda Guerra Mundial, el trabayu inicial de Zuse pasó desapercibíu fora d'Alemaña. Posiblemente la primer influencia documentada de Zuse nuna compañía estranxera foi l'adquisición de patentes per parte d'IBM en 1946.
Hai un retruque de la Z3 y la Z4 nel Deutsches Museum de Múnich y otru retruque de la Z3 nun muséu artísticu en Karlsruhe, el Zentrum für Kunst und Medientechnologie (ZKM), que ye l'únicu muséu artísticu de media interactivo del mundu.
© MMXXIII Rich X Search. We shall prevail. All rights reserved. Rich X Search